D'Chambre des Métiers a Luxinnovation, a Partnerschaft mat der Fédération Horticole Luxembourgeoise (FHL) an dem Enterprise Europe Network, organiséieren en exklusiven InfoEvent zum Thema Digitaliséierung. Dës Initiativ riicht sech un d'Betriber aus dem Secteur horticole a soll konkret Pisten opweisen, wéi duerch digital Léisungen d'Kompetitivitéit an d'Effizienz verbessert kënne ginn.
Den Austausch vu prakteschen Erfarunge steet am Mëttelpunkt vun dësem Event. D'Participante kréien en direkten Abléck an d'Erausfuerderungen an d'Succèse vun der Digitaliséierung. Duerch zwee konkret Beispiller aus der Praxis gëtt illustréiert, wéi de Wiessel op digital Prozesser gelénge kann. Den Event bitt de Participanten d'Geleeënheet, aus éischter Hand ze léieren. D'Firma Wagener-Kox deelt hir Erfarunge mat der Aféierung vun engem ERP-System, der allgemenger Digitaliséierung vun hire Prozesser an hiren Zukunftsperspektive mam Asaz vu Kënschtlecher Intelligenz. Zousätzlech presentéiert d'Firma Cloos & Kraus hiren eegene Wee an d'Digitaliséierung a liwwert wäertvoll Impulser.
Niewent den Témoignagë gëtt en Iwwerbléck iwwer déi aktuell staatlech Support- a Finanzéierungsprogrammer ginn, déi Betriber bei hiren Innovatiouns- an Digitaliséierungsprojete kënnen ënnerstëtzen.
Dëse Club Innovation fënnt den Donneschdeg, 2. Abrëll 2026, vun 10:00 bis 12:00 Auer an de Raimlechkeete vun der Firma Wagener-Kox – Pépinières & Paysages zu Tuntange statt.
D'Participatioun un dësem Event ass gratis. D'Zuel vun de Plazen ass op 15 Persoune limitéiert, an d'Plaze gi nom Prinzip "first come, first served" verginn.
Programme
|
Heure |
Description |
|---|---|
|
10h00 – 10h05 |
Introductioun an staatlech Hëllefen |
|
10h05 – 10h35 |
ERP-Systemer & Digitaliséierung |
|
10h35 – 11h05 |
Eise Wee an der Digitaliséierung |
|
11h05 – 11h30 |
Froen & Äntwerten |
Partner
